murang isipan

marahil hindi alam ng mga musmos ang ibigsabihin ng mga plakard na hawak-hawak,

marahil hindi rin nila alam ang mga isinisigaw ng tao na ginagaya nilang isigaw,

ngunit sinisigurado ko sa iyo, kaibigan, ang makita mo sila sa ganoong sitwasyon ay isang repleksyon kung anong uri ng sistema mayroon tayo na siyang nagtutulak sa kanila upang gawin ang naturang bagay.

mabuti sila't sa murang edad ay nagagamit na ang kalayaan sa pagsasalita (freedom of speech), kanilang ipinahahayag ang hinain sa gobyerno, ngunit ikaw, ikaw na mayroong pinag-aralan? ano ang iyong ginagawa? marahil pagpapahalaga sa kahit katiting o sa pinakamaliit na bagay ang esensya.

sabi mo'y mura pa lamang ang kanilang isipan, ngunit sasabihin ko sa iyo, kaibigan, mas mura pa ang iyong isipan kaysa sa kanila.

paghihintay

Kaibigan. Sa mga nagaganap sa ating kapiligiran ngayon, marahil ang isa ay magpapakasasa at susunggabaan ang kanyang mga nakikita, nakikita na siyang inatakda ng iilan. Aakaalain niyang maganda at tanda ng karangyaan ang lahat, ngunit lingid sa kaalaman at eksperriyensya niya, mali siya. Hindi paghuhusga ang nasabi, marahil ito lamang ay tanda ng isang mas nakabubuti, angat sa iba, na hangarin para sa lahat.

Sa panahon ng iyong pagmamatigas, hiling ko lamang na maging mapanuri at magising ka sa katotohan. Marahil ang mundong kanyang ginagalawan ay huwad na siyang nagduduyan sa kanya. Marahil ang mga bagay-bagay ay hindi naaayon at dapat itong maiwasto. O hindi kaya, matapos ang pagsisiyasat, mawala na lamang ito ng parang bula at bumalik sa dati.

Hangad ko ang pag-asang matatagpuan niya ang tamang landas. Isang landas na tunay na kanyang ikararangal at mapatutunayan. Maghihintay ako sa maraming isang iyon, kaibigan.

Mr. de Venecia

hay

Napanood ko si Mr. Joey de Venecia sa isang interview sa Umagang Kay Ganda. Tinanong sa kanya kung ano naman daw ang balak kay PGMA na siyang magtatapos na sa 2010? Ayon kay Mr. de Venecia, marahil ay patapusin na lang siya at sa natitira pa niyang taon ay ayusin na lamang niya ang kanyang pamumuno.

Nakagugulat..

change

isang signipikanteng nabasa ko kanina:

"The philosophers have only interpreted
the world, in various ways; the point is to change it."

- karl marx

:)

destiny vs. free will

destiny vs. free will

kung makikita, tunay nga namang magkasalungat ang dalawang salitang nababanggit. ang unang salita ay sumasalamin sa isang nakatakdang mundo na kung saan wala nang pagbabagong maaari pang maganap. habang ang ikalawang salita ay nagpapahayag ng kalayaan sa mga desisyon at gawain para sa tunay na pagbabago.

kung makikita, ang mga nagtatakda sa ating mundo ang siyang nagtatakda ng ating kapalaran. wala tayong sariling kalayaan para sa ating ninanais at pangarap. tayo ay tila mga abusadong mamamayan na walang kalayaang patakbuhin ang sariling buhay dahil sa pagtatakda ng iilan. kung kaya't ang ideya ng free will ang siyang pumapasok. kinakailngan magbalikwas at lagutin ang tanikala para sa kalayaan, para sa tagumpay.

suyo

ang pagsuyo ay isang paraan kasama,
hindi dapat maging malalim at diretso
upang makahamig.

rebelyon

sa pakikipag-usap ko sa isa sa mga kaibigan ko kahapon, nabigyan naming pansin ang salitang rebelyon/rebellion. napaisip siya sa salitang ito dahil bakit ganoon?

ayon sa http://en.wikipedia.org/wiki/Rebellion:

Rebellion is a refusal of obedience.It may therefore be seen as encompassing a range of behaviuors from civil disobedience and mass nonviolent resistance, to violent and organized attempts to destroy an established authority such as the government. Those who participate in rebellions are known as "rebels".

ang tanong naman namin, eh pano kung ang gobyerno na mismo ang siyang lumalabag nito? (sa paanong paraan o porma? - sa paraang extrajudicial killings, enforced disappearnces). naisip din namin, ayon sa social contract, maaring bawiin mula sa gobyerno ang kanilang kapangyarihan kung hindi na ginagampanan ng estado ang kanyang responsibilidad.

....
....
....
...
...

bakit?

ang nagisnan ay ang siyang lumalason sa iyo.
ang karaniwan ang siyang pumupuksa sa iyo.
ang kahirapan ang siyang gigising at magmumulat sa iyo.
ngunit ano ang ginagawa mo?
kelan pa? ngayon na!
kumilos at magbalikwas.
ipaglaban ang kabutihan ng sangkatauhan!

ang pag-iisip para sa pansariling interes ang siyang sisira sa iyo kaibigan. hindi ang pera ang siyang makasasagot sa lahat ng iyong kahirapan. kinakailangan ng pangmatagalang solusyon na siyang pupuksa at makakapagpabangon sa tunay na tagumpay!

AROUSE, ORGANIZE, MOBILIZE!

paglisan

"nilisan mo man itong daigdig,
tinig mo'y patuloy na maririnig,
lulan ng mga himig mong alay na lipos ng pag-ibig.

pag-ibig sa bayang sa iyo'y nagluwal
at sa manggagawang labis mong minahal,
tulad mo ay hindi malilimot
habang kami ay narito

marami pang dapat imulat kasama
lipunay puno ng problema
sa paghinto ng tibok ng puso mo
kami ang magpapatuloy.."

hay.. LSS lang.. ;(

ang hirap

ang hirap pa lang maramdaman ang mga bagay na gusto mong mangyari, ngunit kapag nasa sitwasyon ka na na iyon, nakadidiri! haha :)

marahil ang lahat ng bagay ay natututunan sa takadng panahon. lahat ay natututunan ng dahan-dahan, hindi biglaan. ang pagpapanibagong hubog ay mahirap ngunit makakamtan, paunti-unti hanggang sa tagumpay.

kamatayan

hindi ko sukat akalain na darating sa arw na ito ang mga hindi ko nais at inaasahan. mahirap pa lang mapunta at maranasan ang sitwasyong iniisip mo'y madali ngunit sa katotohanan ay mahairap. iniisip ko na lamang na tunay na dumarating ang lahat sa mga ganitong panahon. mahirap isipin na hindi lamang handa ang lahat para sa ganito. kaya't dapat hindi sayangin at tunay na lubusana ng mga panahong kasiya-siya. nang sa gayun, walang dapat pagsisihan. ang buhay ay maganda upang abusuhin at linlangin. :)

masarap

huwag kang lumutang sa mga bagay na hindi dapat. huwag makisama kahit labag iyon sa iyong kalooban. kahit malaks ang impluwensiya ng sinuman sa iyo, desisyon mo iyo. mamili ka. binigyan ka ng sariling isip at puso, gamitin mo ito parati para sa nararapat. uwag mo lamang iniisip ang sarili mo, sariling interes. at pagkatapos noon, malalaman mo kung ano ang pakiramdam! walang kapantay, Masarap! :)

homicide

“In tyrannical times, doing nothing in the face of oppression is in fact doing something: it is helping to murder yourself. Its participating in your own homicide. ”

- conrado de quiros

ewan

Marahil hindi ito nararapat, ngunit.. hindi ko na matiis. Ang sakit ng lipunan ay malala. Habang kausap ko ang aking kaibaigan sa txt ukol sa kanyang problema sa personal na buhay*, napaisip at nagagambala ako. Sapagkat oo nga’t kinakailngan ng kani-kaniyang mga personal na buhay ang mga tao, pero marahil mayroon pang dapat problemahin. Marami bang bagay na dapat pag-tuunan ng pansin, bukod sa personal na buhay* dahil unang-una bata pa tayo (OO na, para na akong nanay na nagsesermon!). Marami pa tayong dapat matutunan at pakatutunan. Gayundin, ang pag-una sa mga ganitong bagay ay nakabase sa pansariling interes lamang. Hindi ko sinasabing dapat na unahin ang ibang bagay at huwag isulong ang mga personal* na nararamdaman. Ngunit.. hai… ok ginawa ko lang ito on the spot pampalipas ng hinanakit at sama ng loob.

*personal na buhay– love life

batch 2008

Congratulations Batch 2008:

PAGLINGKURAN ANG SAMBAYANAN, HUWAG ANG DAYUHAN!